bisaya poetry
filipino poetry love poetry poetry

BISAYA POETRY: Sa Dihang ang Gugma, Kasakit

(Bisaya poetry)

Gipili kong mag inusara
Hikalimtan ang mga kagahapon ta
Kasakit ug pagbasol
Maoy unod ning dughan kong gapuol
Mao ba diay kini ang matood nga gugma?
Puro kasakit ug
Ang kalipay, diin ka?

Nahinumdoman ko
Ang mga panahong
sa dihang kita pa
Lig-on tang gugma
Wa’y kasakit puno sa pagkatawa
Gibati ko ang atong mga dughang
Galangoy sa dagat sa kalipay
Pagmaya, kalulot
Tim-os tang gugma
Apan karon hain na?

Adlaw-adlaw gapamalandong ko
Nanghinaot, nagpakaubos
Nga muabot ang adlaw
Dughan ko imong ihikot
Sa kasingkasing mong latagaw
Walay buot
Sala ko ba diay ang higugmaon ka?
Sala ko ba diay nga nakita ka?
Sala ko ba?

****

About this Bisaya Poem

Sauna katong gisakitan ko’s gugma mao nang nasulat ko ni. Kamo nalay sabot sa akong gibati. Salamat.
I will be writing more Bisaya poetry soon. Thanks for reading my bisaya creatives. Please read the English version of this poetry here: When Love is Despair.

Receive free life-tips and motivations for free!

Enter your email address to subscribe to this blog and receive notifications of new posts by email.

1 Comment

Speak out! Share your views and spread good vibes...